Araskik aukera
ugari zituen playoffetarako bidea osatzeko, eta zorionez, azkeneko jardunaldi
honetan, justizia egin da. Urte oso baten lanaren fruituak jaso ditu gaur
Araskik, eta sari puska batekin bukatu egin du liga erregularra. Orain aurretik
daukatena sariaz gozatzea da, bereziki zalegoa, Girona Gasteizen berriro ere
ikusteak merezi du eta.
Cadi la Seu
bezalako talde bat et Araski bezalako baten benetako aldea zein den ikusi dugu gaur.
Cadik 11 jokalari erabili ditu, gehien jokatu duenak, Hempek alegia, 24 minutu,
eta gutxien, Sklepowiczek, bederatzi. Gaur ez dute Andrea Vilaroren
superbotereen beharrik izan, ezta Shereesha Richardsen indarrarik ere. Gaur ikusi
dugu nola 11 jokalari gazte eta talentuz beteta hel daitezkeen azkeneko jardunaldira
indarrez eta grinaz beteta. Aitortu behar dut Liga Dian bigarren talde bat
daukadala, Cadi la Seu alegia.
Araski oso
nekatuta heldu da azkeneko aldartera. Jokalari gutxirekin hasi ziren eta bidetik
bat galdu zuten (fitxaketa bakarra egin zuten Maja eta Romina ordezkatzeko).
Izaskunen arazo fisikoak eta jokalari batzuen sasoi ertaina asko nabaritu da
bereziki Kopa bukatu zenetik, baina Araskik ez zuen inoiz etsi, eta, setati,
playoffetarako sarrera lortu egin dute.
Jakitun gara balentriaren
tamainaz? Jakitun gara aurten, berriro ere, Kopa eta playoffak jokatzeko
garrantziaz? Balirudike erraza dela, edozein taldek lortu dezakeela, baina ez,
ez da batere erraza. Zorionak neskak. Uste dut Liviak merezi zuela horrelako
agur bat, taldea amets egin duen lekuan ikusita.
Gasteizko partida
festa bat izan beharko litzateke. Futbolean emakumezko Alavesekin gertatu zen
legez, Mendi jendez gainezka ikusi nahi dut. Kopan ikusi genuen posiblea
dela... Errepika dezagun, merezi baitute!
Bihotz bihotzez... ZORIONAK!
Iruzkinak
Argitaratu iruzkina